Општина Демир Капија бележи значителен, односно драстичен напредок во активната транспарентност, во споредба со минатата година. Овој резултат претставува потврда дека посветено работиме на отвореност, отчетност и навремено информирање на граѓаните за работата на Општината.
Континуираното објавување на информации, документи, одлуки, активности и податоци од значење за граѓаните е важен дел од создавањето транспарентна и одговорна локална самоуправа.
Напредокот во однос на минатата година е показател дека чекор по чекор ја унапредуваме комуникацијата со граѓаните и нивниот пристап до информации од јавен карактер.
Транспарентноста не е само обврска – таа е наша одговорност кон граѓаните. Општина Демир Капија продолжува со работа за уште поголема отвореност, отчетност и доверба.