РОДОВА СТАТИСТИКА

Родовата еднаквост претставува една од вредностите на уставниот поредок на Република Северна Македонија, која ја гарантира еднаквоста помеѓу граѓаните без разлика на полот, етничката припадност и на социјалниот статус. Уставот е проследен преку низа закони и акти кои се темелат врз принципот на еднаквост и недискриминација. Од законодавен аспект родовата еднаквост е регулирана со посебен закон односно со Законот за еднакви можности на жените и мажите.

Што е родова еднаквост?

Родова еднаквост значи еднакви можности, права и одговорности за жените и мажите, девојчињата и момчињата.
Еднаквоста не значи дека жените и мажите се исти, туку дека можностите, правата и обврските на жените и мажите не зависат од тоа дали се родени како машки или женски пол. Тоа имплицира дека се земаат предвид интересите, потребите и приоритетите и на жените и на мажите.

Што е родова статистика?

Статистички податоци што ги одразуваат разликите и нееднаквостите меѓу жените и мажите во сите области од животот;
Основа за родова анализа и истражувања, бидејќи обезбедува квантитативни докази што се потребни за да се направи процена на родовите јазови;
Идентификување на родовите стереотипи за улогите на жените и на мажите и нивниот придонес во општеството;