![](https://static.wixstatic.com/media/11b1b9_6aea627a1e3c4c2aba6ef2e8d158997b~mv2.jpg/v1/fill/w_980,h_654,al_c,q_85,usm_0.66_1.00_0.01,enc_auto/11b1b9_6aea627a1e3c4c2aba6ef2e8d158997b~mv2.jpg)
Општина Демир Капија
7 мар. 2024 г.
Почитувани,
Во рамките на реализацијата на проектот "Развој и унапредување на условите за одржување на чиста и здрава околина", спроведен преку Центарот за развој на Вардарски плански регион на општина Демир Капија и беше доделено специјализирано возило за одржување на хигиена - метларка.
Средствата за набавка на возилото во износ од 3.941.148,00 денари се обезбедени преку Министерсвото за локална самоуправа – Биро за регионален развој во рамки на Програмата за рамномерен регионален развој.
Одржувањето на чиста животна средина е заедничка цел на секој од нас и сите активно треба да се вклучиме во унапредување на истата. Ова ново возило е само еден од чекорите кои ги правиме во оваа област и еден од многуте кои допрва следат.
Со возилото ќе се подобри хигиената и квалитетот на живот во нашата општина. Со своите мултифункционални капацитети, ќе се користи за редовно чистење на јавните површини, улици, паркови и други области каде што истото е потребно.
Продолжуваме заедно да градиме подобра Демир Капија.