ЈУ Специјален Завод Демир Капија е установа за сместување на лица со пречки во менталниот развој која обезбедува: сместување, згрижување, здравствена заштита, рехабилитација, работна и окупациона терапија, во согласност со способностите на корисниците и здравствената состојба. (чл. 126 од Закон за социјална заштита). Во делот на социјалната област, спаѓа под надлежност на ЈУ МЦСР Неготино.

​

Установата располага со следната површина:

Оддел здравство: 8.177 м²

• Зграда 1: 960 м²,

• Зграда 2: 960 м²

• Зграда 3: 4610 м²

 

Исто така, установата располага и со земјоделско земјиште (лозов насад - 6,3 ха и овоштарник - 2 ха), лоцирано во областа Ергела.

​

Во склоп на Установата се наоѓа административна зграда во која има вкупно 10 простории (управа и канцеларија на социјален работник), каде што функционира одделот административни работи и помошно- технички работи.

​

Службата за сместување, нега, здравствена заштита и рехабилитација (Оддел здравство) е организирана во 3 Оддели:

​

1. Оддел за лица со тешки пречки во менталниот развој кој располага со 4 апартмани (А1, А2, А3, А4 ) и секој апартман има по 4 спални соби, 4 дежурни простории за негователите и 4 тоалети.

2. Одделот за лица со најтешки пречки е поделен во две Одделенија каде што во Б1 има 6 спални соби и една дежурна просторија за негователите, Б2 има * спални соби за корисниците, дневен простор за корисниците, дежурна просторија за негователите и 4 тоалети.

3. Оддел за лица со најтешки пречки во менталниот развој и комбинирани пречки во кој има две Одделенија Ц1 и Ц2 и во секое одделение има по 4 спални соби, 4 дневни простории, 4 дежурни простории за негователите и 4 тоалети.

 

Во оваа зграда има еден магацин, рентген просторија, сала за физикална терапија, дефектолошка работилница, 1 амбуланта, 1 просторија за медицински сестри, просторија за лаборант, аптека, просторија за лекар, 2 магацински простории и тераса. 

Службата за рехабилитација, работна и окупациона терапија и работно – производна активност (пододдел Нов објект) располага со следните простории: 1 просторија за раководител на одделот, 2 дефектолошко - воспитни работилници, 1 амбуланта, 1 стоматолошка ординација, простор за перална, сушари, дневен престој (трпезарија) за корисниците, 1 просторија за индивидуален третман. Службата е поделена на 6 апартмани со 6 простории за дневен престој каде што престојуваат корисниците. Во одделот секој апартаман има по 4 спални соби, сала за физикална терапија и 1 просторија за парните котли.

​

​

ОРГАНИЗАЦИЈА НА РАБОТАТА

​

Установата својата дејност ја реализира низ следните служби:

 

1. Служба за административни работи и помошно- технички работи

• Оддел за административни работи и управување со човекови ресурси

• Оддел за помошно технички работи

• Оддел економија

​

2. Служба за сместување, нега, здравствена заштита и рехабилитација

• Оддел за лица со тешки пречки во менталниот развој

• Оддел за лица со најтешки пречки

• Оддел за лица со најтешки пречки во менталниот развој и комбинирани пречки

 

3. Служба за рехабилитација, работна и окупациона терапија и работно – производна активност

​

Сите активности во Службите се реализираат во период од 24 часа од кои период за активно ,,живеење“ на корисниците е периодот од 05:00 часот наутро до 17:30 часот кога и започнува ноќниот одмор.

 

Активностите со корисниците се реализираат од страна на повеќе стручни профили преку следниве сегменти :

1. Здравствена заштита - медицински сестри, лаборант, физиотерапевти и лекари – надворешни консултанти

2. Нега и хигиена на корисниците - негователи

3. Рехабилитационо - корективен третман, работна окупација и работнопроизводна дејност - дефектолог, воспитувач, инструктор 4. Социјална заштита- социјален работник

5. Одржување на просториите- техничко - помошен персонал и хигиеничарки

​

​

СТРУКТУРА НА КОРИСНИЦИ

 

Во Установата се сместени 221 корисник. Во однос на видот и степенот на попреченост 29 корисници се со умерена ментална попреченост, 183 се со тешка ментална попречност и 9 со длабока ментална попреченост.

 

Според возраста најголем број корисници се над 26 години -191 корисници, а останатите 30 корисници се до 26 годишна возраст (до 6 год - 1, 5-10 год - 6, 11- 14 год - 2 , 15-18 год - 6, 18-26 год-16).

 

Најголем дел од корисниците имаат дополнителни телесни попречености, нарушувања во здравствената состојба, психички проблеми, проблеми во однесување, што ја чини хетерогена структурата на корисниците, а со тоа и покомплексна работата со нив од аспект на организација и распределување по оддели, планирање на активности во група или индивидуално, реализација на планираните активности.

​

​

СТРУКТУРА НА КАДАР

 

Вкупниот број на вработени во Установата изнесува 125 лица, од кои стручниот кадар го сочинуваат 19 лица, и административно-технички и помошен кадар – 106 лица.

 

Структурата на стручниот кадар е следна: дефектолог - 6, социјален работник - 1, воспитувачи - 3, физиотерапевт – 5, инструктори – 4.

 

Од административно-технички и помошен кадар најмногу се застапени негуватели - 52, мед.сестри – 16, лаборант – 1, а останатите 37 лица (правник, 2 дипломирани економисти, 1 економист-4 ти степен, книговодител, архивар и 2 технички секретар, 9 хигиеничарки, 5 готвачи, 2 сервирки, 4 чувари, 1 возач, 4 перачи, 1 бравар, 1 електричар, 2 домаќини).